Medio Rural
Inicio >> Áreas >> Alimentación >> Produtos de calidade >> Queixos >> Queixo Tetilla
Escoitar arquivo de voz Pdf Imprimir

C.R.D.O.P. "Queixo Tetilla"

Produto protexido
A D.O.P. Queixo Tetilla ampara o queixo elaborado con leite de vaca das razas rubia galega, frisona e pardo alpina.

O leite destinado á súa elaboración debe ser o produto natural e íntegro do muxido de vacas sas que non conteñan costros, conservadores ou produtos medicamentosos.

O Queixo Tetilla é o resultado dunha maduración ou fermentación que comeza no mesmo leite nada máis muxido e segue a través da coagulación e transformacións químicas que definen o produto e que son a consecuencia da simbiose vaca-contorno e da capacidade de transmitir na devandita síntese a súa identidade. É interesante subliñar a influencia das razas salientadas, perfectamente adaptadas ao medio, como unha das causas definitorias da obtención do Queixo Tetilla.

As pezas (entre 0,5 e 1,5 Kg) van provistas de etiqueta, onde se fai referencia á súa condición de Denominación de Orixe Protexida e con contraetiqueta numerada de control do Consello Regulador.

Orixe
Tanto a zona de produción de leite como a de elaboración do Queixo Tetilla abrangue todo o territorio da Comunidade Autónoma de Galicia.

Características
O queixo amparado pola D.O.P. Queixo Tetilla, que se caracteriza pola súa forma cónica ou cónica-convexa; presenta unha cortiza apreciable, fina e elástica, de menos de 3 mm de espesor, de cor amarela de palla, natural e sen mofos. A pasta é branda, cremosa e uniforme, con poucos ollos e regularmente repartidos, de cor branca-marfil, amarela. O seu aroma, suave e lixeiramente ácido, lembra á materia prima, ao igual que o seu sabor lácteo, de manteiga, lixeiramente ácida e con salgado suave. O período mínimo de maduración é de 7 días dende a súa saída de salmoira.

Ao remate da maduración, o Queixo Tetilla con D.O.P. presenta un contido sobre extracto seco de materia graxa non inferior ao 45%.

Regulamentación

  • Denominación de Orixe recoñecida pola Orde da Consellería de Agricultura, Gandería e Montes do 18 de marzo de 1992 (DOG 1.04.92)
  • Regulamento aprobado pola Orde da Consellería de Agricultura, Gandería e Montes do 18 de xuño de 1993, e ratificado pola Orde do MAPA do 24 de novembro de 1993 (BOE 25.12.93)
  • Rexistrada como Denominación de Orixe Protexida polo Regulamento (CE) 1107/96, da Comisión, do 17 de xuño de 1996 (DOCE 21.6.96).
Queixo de tetilla

 

Prego de condicións (660 Kb)

Ficha técnica 2010 (13 Kb)

Ficha técnica 2011 (91 Kb)

Ficha técnica 2012 (93 Kb)

Ficha técnica 2013 (91 Kb)

Ficha técnica 2014 (80 Kb)

Ficha técnica 2015 (79 Kb)

Ficha técnica 2016 (90 kb)

Presidente: Manuel Granja Munín

Pazo de Quián
15881 Sergude-Boqueixón
A Coruña.

Tel.: 981 511 751
Fax: 981 511 864
E-mail:
Web: www.queixotetilla.org

English version


© Copyright. Consellería do Medio Rural. Xunta de Galicia. Todos os dereitos reservados. Aviso Legal    Atendémolo/a
RSS