Medio Rural
Inicio >> Áreas >> Alimentación >> Produtos de calidade >> Viños >> Ribeira Sacra
Escoitar arquivo de voz Pdf Imprimir

C.R.D.O. "Ribeira Sacra"

Orixe
A zona de produción da D.O. Ribeira Sacra abrangue comarcas de gran tradición vitivinícola, que inclúen parroquias e lugares de 19 concellos nas escarpadas e soleadas ladeiras repartidas ao longo das Ribeiras dos ríos Miño, Sil e os seus afluentes, no sur da provincia de Lugo e norte de Ourense. Os viñedos medran sobre socalcos ó abeiro dos ríos e baixo a tutela de fragas e ancestrais ermidas e mosteiros románicos que gardan a historia e o saber desta terra.

A área xeográfica desta denominación de orixe divídese en cinco subzonas diferenciadas, Amandi, Chantada, Quiroga-Bibei, Ribeiras do Miño e Ribeiras do Sil, onde tradicionalmente, dende hai máis de 2000 anos, elabóranse excelentes viños dunha gran personalidade.

Características
A D.O. Ribeira Sacra está orientada fundamentalmente á produción de viños tintos, elaborándose tamén brancos moi interesantes. É a Mencía, señorial variedade tinta, a máis cultivada na Ribeira Sacra, dando lugar a viños de gran calidade, que salientan polos seus recendos limpos, elegantes e intensos, a súa cor cereixa intensa, brillante e cun reberete púrpura.

Entre os viños brancos, cunha produción menor, destacan os que se obteñen das variedades Godello, Albariño e Treixadura, de gran frescura e ao mesmo tempo con gran plenitude en boca. Afroitados e cun fino toque de acidez, destacando polo seu lixeiro retrogusto e delicada presenza no padal. A graduación alcohólica mínima destes monovarietais é de 11º.

Variedades de uva e tipos de viño
Variedades:

  • Brancas recomendadas: Godello, Albariño, Loureira, Treixadura, Dona Branca e Torrontés
  • Brancas autorizadas: Palomino
  • Tintas recomendadas: Mencía, Brancellao e Merenzao
  • Tintas autorizadas: Mouratón ou Negreda e Garnacha Tintorera

Tipos de viños:
Os viños máis característicos da D.O. Ribeira Sacra son os tintos elaborados sobre a base da variedade mencía, aínda que tamén se elaboran monovarietais brancos das variedades godello e albariño, e viños plurivarietais das distintas variedades preferentes e autorizadas.

Regulamentación

  • Denominación de Orixe recoñecida por Orde da Consellería de Agricultura, Gandería e Montes do 30 de maio de 1995 (DOG 7.07.95).
  • Regulamento aprobado por Orde da Consellería de Agricultura, Gandería e Montes do 3 de setembro de 1996 (DOG 11.09.96), ratificado por Orde do MAPA do 11 de setembro de 1997 (BOE 25.09.97) e modificado por Orde de 29 de agosto de 2002 (DOG 11.09.02)
Ribeira Sacra

Prego de condicións (356 Kb)

 

Ficha técnica 2010 (108 Kb)

Ficha técnica 2011 (216 Kb)

  Ficha técnica 2012 (224 Kb)

Ficha técnica 2013 (224 Kb)

Ficha técnica 2014 (193 Kb)

Ficha técnica 2015 (440 Kb)

Presidente: José Manuel Rodríguez González

Comercio 6/8
27400 Monforte de Lemos
Lugo

Tel.: 982 410 968
Fax: 982 411 265
E-mail:
Web: www.ribeirasacra.org

English version


© Copyright. Consellería do Medio Rural. Xunta de Galicia. Todos os dereitos reservados. Aviso Legal    Atendémolo/a
RSS