Medio Rural
Inicio >> Áreas >> Alimentación >> Produtos de calidade >> Viños >> Valdeorras
Escoitar arquivo de voz Pdf Imprimir

C.R.D.O. "Valdeorras"

Orixe
A D.O. Valdeorras está situada na parte nor-oriental da provincia de Ourense, porta natural de entrada a Galicia, ocupando esta comarca a superficie vitícola dos concellos de Larouco, Petín, O Bolo, A Rúa, Vilamartín, O Barco, Rubiá e Carballeda de Valdeorras, nos que se cultiva o viñedo nas ribeiras e vales polos que discorren os ríos Sil e Xares, nunha paisaxe de terras vermellas, onde ademais da vide, medran as oliveiras e o castiñeiro, rodeados de granito e lousa.

Constitúe unha zona climática de carácter continental con influencia atlántica. A especial orientación da comarca supón unhas excelentes condicións de sol e temperatura, dentro dunha comunidade de características máis extremas en canto a frío e chuvia.

Características
Os viños brancos elaborados a partir da variedade Godello posúen cores amarelo-palla con matices verdosos, os seus recendos son francos e intensos lembrando algunha variedade de mazá. En boca amósanse perfectamente estruturados e untuosos, cunha acedume natural que os fai frescos e elegantes, resultando viños plenos, con postgusto largo e satisfactorio. A súa graduación media sitúase arredor dos 12,5º.

Os monovarietais tintos, elaborados con Mencía, están dotados dunha fermosa cor entre vermello-rubí e picota, de capa media e matices violáceos que identifican a súa xuventude con sutís expresións aromáticas de intensidade media que lembran as froitas do bosque como a grosella, framboesa e amora. O seu paso en boca resulta suave e carnoso, cun final limpo e fresco.

Formularios

Contrato de compravenda de uva para a súa transformación en viño. Campañas 2010/2011, 2011/2012 e 2012/2013 (220 Kb)

Variedades de uva e tipos de viño

  • Variedades brancas recomendadas: Dona Branca (Moza Fresca) e Godello.
  • Variedades Brancas autorizadas: Palomino.
  • Variedades tintas recomendadas: Brancellao, Mencía, Merenzao (María Ardoña ou Bastardo) e Sousón.
  • Variedades tintas autorizadas: Garnacha Tintorera, Gran Negro e Tempranillo.

Os viños máis característicos da D.O. Valdeorras son os monovarietais, da variedade Godello en brancos e Mencía en tintos, elaborándose tamén viños co resto das variedades.

Regulamentación

  • A Denominación de Orixe Valdeorras foi recoñecida por orde ministerial do 31 de xullo de 1957.
  • Por orde ministerial do 24 de febreiro de 1977 (BOE 1.04.77), apróbase o Regulamento da Denominación de Orixe e do seu Consello Regulador.
  • Orde do 2 febreiro de 2000 pola que se modifica o regulamento da Denominación de Orixe Valdeorras (DOG 18.02.00), ratificada por Orde de 9 de maio de 2000 (BOE 18.05.00)
  • Orde do 7 marzo de 2005 pola que se modifica o regulamento da Denominación de Orixe Valdeorras (DOG 18.03.05), ratificada por Orde APA/2498/2005 de 7 de xullo de 2005 (BOE 01.08.05)
Valdeorras

Prego de condicións (430 Kb)

Fichas técnicas

Presidente: José Luis García Pando

Estrada N-120, km 463
32340 Vilamartín de Valdeorras
Ourense

Tel.: 988 300 295
Fax: 988 336 887
E-mail:
Web: www.dovaldeorras.com

English version


© Copyright. Consellería do Medio Rural. Xunta de Galicia. Todos os dereitos reservados. Aviso Legal    Atendémolo/a
RSS