Medio Rural
Escoitar arquivo de voz Pdf Imprimir

Actividades do Laboratorio Agrario

As análises teñen como obxectivo un mellor coñecemento dos produtos agrarios, alimentarios e dos medios de produción, sempre pensando na mellora da calidade e da seguridade alimentarias.

Seccións de Alimentos e Bebidas: fanse análises informativas e análises oficiais ao abeiro do control da calidade alimentaria. As análises de viños e bebidas espirituosas para a exportación son moi demandadas.

Sección de Alimentación Animal: analízase o valor nutritivo de forraxes e pensos, investígase tamén a presenza de toxinas.

Sección de solos: análises de fertilidade e análises foliares dos cultivos.

Sección de fertilizantes: analízanse fertilizantes orgánicos e inorgánicos. Fanse análises de mostras oficiais para a comprobación da súa composición química e detectar posibles fraudes.

Sección de diagnósticos fitopatolóxicos: trabállase coas mostras oficiais dos servizos de sanidade vexetal.

Sección de residuos de produtos fitosanitarios: investígase a presenza de residuos de fitosanitarios en alimentos, bebidas, forraxes e solos. Determínase o grao de cumprimento dos límites máximos de residuos en alimentos.

Co obxectivo de manter a calidade das análises no nivel máis alto posible, o Laboratorio Agrario participa en ensaios interlaboratorio organizados por varias institucións: Bipea, para alimentos, bebidas, alimentación animal, fertilizantes, lodos e solos; Comisión Europea, Laboratorio de Referencia para residuos en froitas e verduras; Inter 2000 da Generalitat de Catalunya, para alimentos; Ministerio de Agricultura, Alimentación y Medio Ambiente para alimentos, bebidas, alimentación animal, fertilizantes, solos e residuos; Universidade de Wageningen, para os solos; etc.

O Laboratorio Agrario participa en moitos programas de control europeos, nacionais e autonómicos e forma parte dos grupos de traballo da rede de laboratorios agroalimentarios do Ministerio de Agricultura, Alimentación y Medio Ambiente.

Actividades

© Copyright. Consellería do Medio Rural. Xunta de Galicia. Todos os dereitos reservados. Aviso Legal    Atendémolo/a
RSS