Medio Rural
  • Nova
 

Medio Rural financia a adquisición dun tractor para a prevención de incendios polo Concello de Cuntis

O delegado da Xunta en Pontevedra visitou hoxe este municipio con motivo da compra desta maquinaria para a roza de matogueira

A Consellería achégalle ao municipio un máximo de 85.000 euros para financiar a operación e facilitarlle así o cumprimento das súas obrigas legais sobre xestión de biomasa

O delegado da Xunta en Pontevedra visitou hoxe este municipio con motivo da compra desta maquinaria para a roza de matogueira

Cuntis (Pontevedra), 9 de novembro de 2018.- O concello pontevedrés de Cuntis dispón dende hoxe dun novo tractor para a prevención de incendios forestais, en virtude dun convenio financiado pola Consellería do Medio Rural, cun importe máximo de 85.000 euros.

O delegado territorial da Xunta en Pontevedra, José Manuel Cores Tourís, visitou hoxe este concello con motivo da adquisición desta maquinaria para a roza. Con este tipo de convenios trátase de facilitar, por parte da Xunta, os traballos de limpeza de matogueira no ámbito de competencias das entidades locais.

Na visita estivo acompañado do alcalde de Cuntis, Manuel Campos, así como polo xefe territorial de Medio Rural, Antonio Crespo.

Neste contexto, o pasado mes de agosto asináronse os correspondentes documentos con 19 alcaldes de toda Galicia, entre eles, os de Ribadumia, Dozón, Cuntis e Portas. En virtude destes acordos, Medio Rural comprometeuse a financiar a compra da maquinaria por parte dos municipios beneficiados. A axuda destínanse á compra dun tractor con dous apeiros de roza (un de arrastre e outro de brazo). O IVE correspondente ten que aboalo cada concello.

A Consellería continuará con esta iniciativa e proseguirá achegando financiamento, por un importe total de 3,2 millóns de euros só este ano, para a adquisición de novos tractores, ata chegar a entrega de 35 neste exercicio para concellos de toda Galicia.


Galería de imaxes

O delegado da Xunta en Pontevedra visitou hoxe este municipio con motivo da compra desta maquinaria para a roza de matogueiraO delegado da Xunta en Pontevedra visitou hoxe este municipio con motivo da compra desta maquinaria para a roza de matogueira

© Copyright. Consellería do Medio Rural. Xunta de Galicia. Todos os dereitos reservados. Aviso Legal    Atendémolo/a
RSS