As ADSG nacen cunha vocación sanitaria das propias persoas titulares das explotacións gandeiras, mediante a dotación de persoal técnico veterinario responsable da aplicación duns programas sanitarios comúns de obrigado cumprimento para todos os integrantes.
A Consellería do Medio Rural desde o ano 2001 sempre considerou que a implicación e participación activa dos propios gandeiros é a ferramenta máis eficaz para garantir o éxito de calquera programa sanitario, motivo polo cal desde o ano 2003 colabora no financiamento das actividades destas entidades mediante unha orde anual de axudas co obxecto de fomentar a existencia de ADSG cada vez con máis explotacións integradas e polo tanto máis fortes.
Orde de axudas vixente (Programas de planificación zoosanitaria)
En 2020 Galicia conta con 70 ADSG recoñecidas:
- 52 de gando bovino
- 1 de gando ovino-cabrún
- 9 de gando porcino
- 3 de avicultura
- 2 de cunicultura
- 2 de peleteria
Para cada especie gandeira existe un plan sanitario marco mínimo establecido pola Consellería do Medio Rural, que é de obrigado cumprimento polas ADSG que o leva a cabo.
As enfermidades suxeitas a control sanitario obrigatorio nas ADSG son as seguintes:
- Bovino: Diarrea Vírica Bovina, Rinotraqueite Infecciosa Bovina, Paratuberculose, Neosporose
- Ovino-cabrún: Paratuberculose e Enfermidade da Fronteira (BD)
- Porcino: Programa de vixilancia do gando porcino, Enfermidade de Aujezsky, Síndrome Respiratorio e Reprodutivo Porcino
- Avicultura: programas de control oficial
- Cunicultura: vixilancia da Mixomatose e Enfermidade Vírica Hemorráxica
- Peletería: enfermidade aleutiana do visón (plasmocitose)