Este plan é unha peza fundamental para o control do uso de sustancias prohibidas, control dos residuos de medicamentos autorizados, de determinadas sustancias contaminantes, e dos seus metabolitos en animais vivos e nas producións animais.
O control establécese sobre os propios animais, e nos alimentos que inxiran, e nas súas producións, co fín de garantir a seguridade final dos produtos alimentarios. O plan de investigación comprende unha mostraxe aleatoria e tamén dirixida a explotacións de risco. O obxectivo final é detectar calquera uso de sustancias ilegais, o uso correcto dos medicamentos legais, e detección e investigacións doutro tipo de sustancias como contaminantes.
O PNIR desenvolvese do seguinte xeito:
- Elaboración do plan anual de controis do PNIR en explotacións e alimentación animal, en coordinación con Saúde Pública, e do informe ao coordinador autonómico dos resultados anuais.
- Coordinación cos responsables provinciais do PNIR, encargados das tomas de mostras e das investigacións dos positivos.
- Seguimento das tomas de mostras, dos resultado das analíticas, e cumprimento do compromiso de mostraxe.
- Asesoramento técnico aos Servizos Xurídicos en relación coa tramitación dos expedientes.