Page 4 - anuario estatistica agraria 2018

O Anuario de estatística agraria 2018 segue recompilando e difundindo
ano tras ano os datos estatísticos máis salientables dos sectores
agrogandeiro, forestal e alimentario galegos. Para a súa elaboración
empregouse fundamentalmente a información procedente das
operacións estatísticas reflectidas no Plan galego de estatística
2017‑2021, complementada coas operacións realizadas en convenio
co Ministerio de Agricultura, Pesca e Alimentación e con datos doutras
fontes como Eurostat.

Esta publicación estrutúrase en diferentes áreas temáticas da
información, respéctanse as series históricas e, así mesmo, todo aquilo
que permita un estudo cronolóxico comparativo.

No apartado de superficies de cultivo e rendementos dos cultivos
elaboráronse os datos para determinar as superficies agrícolas
desagregadas por provincias e comarcas, e a nivel municipal as
superficies dos diferentes usos do solo que se corresponden coas
operacións estatísticas “Avance de superficies e producións agrarias” e
“Rendementos dos cultivos” do programa estatístico anual elaborado
pola Consellería do Medio Rural, e a “Operación do panel territorial”
correspondente ao Ministerio de Agricultura, Alimentación e Medio
Ambiente. Acadouse así a integración metodolóxica co Ministerio na
operación que determina as superficies agrícolas e os seus rendementos.
Esta integración baseouse, fundamentalmente, na asunción por parte
do Ministerio do mapa dos estratos da Consellería ao homoxeneizarse
as nomenclaturas e os criterios de toma de datos no campo.

No subsector gandeiro os datos proveñen da análise da información
recollida no Programa nacional de erradicación de enfermidades dos
animais, conxuntamente coa derivada das operacións de explotacións
dos rexistros administrativos da Consellería do Medio Rural
correspondentes ao gando bovino, porcino, ovino‑cabrún e avícola.
Tamén se reflicten, ao mesmo tempo, os resultados das enquisas de
efectivos gandeiros de bovino e porcino, que utilizan os resultados da
enquisa de decembro por ser os que se empregan no ámbito europeo