Page 5 - anuario estatistica agraria 2018
P. 5
para estimar a evolución dos efectivos. Estes datos, obtidos a partir
destas operacións (censo/enquisa), non coinciden plenamente posto
que teñen orixes distintas, tanto na operación estatística que os
produce coma no período de recollida da información (anual/mes
de decembro), aínda que amosan unha clara analoxía. En canto ás
producións gandeiras, a información exposta procede das operacións
estatísticas realizadas en convenio co Ministerio, tales como a estatística
da produción leiteira, a enquisa de sacrificio nos matadoiros, estrutura
das salas de incubación e as producións de ovos, mel e cera.
Os produtos galegos con indicativo de calidade dos distintos subsectores
é outro apartado que se inclúe neste anuario. A información amosada
aquí é froito dunha análise achegada polos correspondentes consellos
reguladores.
En relación aos datos dos prezos agrarios, determináronse a partir
da enquisa de prezos e salarios mensuais percibidos e pagados polos
agricultores dunha serie de produtos e a man de obra nas explotacións
agrarias, do prezo declarado polos compradores de leite e da enquisa
que recolle os prezos pagados pola venda e alugamento das terras de
aproveitamento agrario ou rústicas.
A explotación do rexistro de maquinaria achega a información básica
sobre a evolución e os tipos de máquinas existentes no campo e
reflíctese a importancia que ten dentro do proceso produtivo agrario.
O apartado de Galicia na Unión Europea, Eurostat achega a información
doutros países europeos, que elabora seguindo procesos análogos aos
utilizados en Galicia, o que fai que sexan plenamente comparables.
